ఫలానా హీరో అని చెప్పేకంటే.. అందరూ ఆ వైపు దృష్టిసారిస్తున్నారు. గ్లామర్‌హీరోగా పేరుపొందిన మహేష్‌బాబు కూడా రెండేళ్లకుపైగా హిట్‌లేక అల్లాడుతుంటే.. శ్రీనువైట్ల కామెడీతో 'దూకుడు'తో గట్టెక్కించాడు. అల్లరి నరేష్‌ మాత్రం తన రొటీన్‌ తరహాలో నటిస్తూ 'మడతకాజా' తినిపిస్తానని చెప్పాడు. ఈమధ్య హీరోలంతా కామెడీవైపే మొగ్గుతున్నారు. మీకు పోటీగా భావిస్తున్నారా? అని అడిగితే.. ఏ ఆర్టిస్టుకైనా కామెడీ చేయడం చాలా కష్టం. నవసరాల్లో అది చాలా కీలకమైంది. సినిమాను ప్రేమించే వారెవరూ కామెడీ నచ్చదని చెప్పరు. అక్షరు కుమార్‌ లాంటి యాక్షన్‌ హీరోలు కూడా కామెడీతో స్టార్‌డమ్‌ను సొంతం చేసుకోవడం చూస్తూనే వున్నాం. కామెడీచేసే హీరోలు సెంటిమెంట్‌ కూడా పండిస్తేనే సక్సెస్‌ అవుతారని చెప్పారు.
