మాస్టర్ బ్లాస్టర్ సచిన్ టెండూల్కర్ తన కొత్త ఇంట్లోకి అడుగుపెట్టాడు. బాంద్రాలోని పెర్రీ క్రాస్‌ రోడ్‌లో తాను కట్టించుకున్న భవనంలోకి ఇవాళ గృహప్రవేశం చేశాడు. ఈ స్థలం 2007లోనే కొన్నప్పటకీ మాస్టర్ అభిరుచికి అనుగుణంగా డిజైన్ చేసేందుకు నాలుగేళ్ళు పట్టింది. పూర్తిగా అత్యాధునిక వసతులతో పాటు పలు ప్రత్యేకతలు కలిగిన ఈ ఇంటి విలువ 80 కోట్ల రూపాయలు. కాగా కొత్త ఇంట్లోకి మారడం చాలా ఉద్వేగంగా ఉందని సచిన్ చెప్పాడు. సచిన్ గృహప్రవేశం సందర్భంగా చుట్టుపక్క వారు అతనికి విషెస్ చెప్పేందుకు ఎగబడ్డారు.
